RAMON MUGUERZA IMAZ Artzain ekoizleak Hernani (Gipuzkoa) 943 330 595 tellerizahar@tellerizahar.com

Baserrian ardi latxak ditugu eta gure ekoizpen eredua abeltzaintza ekologikoa da (1427 registro zenbakia ENEEK Euskal Herriko Nekazaritza Ekologikoaren Kontseiluan).


Ardi esne ontziratua, arkumea eta Idiazabal Jatorri Deiturako gazta ekoizten dugu. Elikagai hauek kalitate handiko produktuak izateaz gain ingurumena errespetatu, lurraren emankortasuna zaindu eta ardien ongizatea ziurtatuz ekoiztutakoak dira.


500 ardi inguru ditugu eta 53 hektarea zelai kudatzen dugu, zelai hauek ongarri naturala (ardi ximourra) eta mineral naturalekin (karea, dolomia, e.a) ongarritzen ditugu. Ardiak larrean ibiltzen dira eta Udaran belarra ontzen dugu negurako bazka izateko; ardien elikadura osatzeko jatorrizko izendapena duen ale ekologikoa erabiltzen dugu (transgenikorik gabekoa).
Ardien ziklo naturalak errespetatzen dira eta ahariekin emankortasun naturala egiten da. Ardien osasunari garantzi handia ematen diogu, hori baita beraien ongizatearen seinale, eta arkumeak beren amekin egoten dira beharrezkoa duten esnea hartu eta beren garapena bermatu arte.
Zuzeneko salmentaren alde egin dugu, Donostialdeako denda eta tabernetan zuzenean salduz eta gure bezeroei elikagai osasungarria eta zapore handikoaz gain (ez baitute hondakin toxikorik edo transgenikorik) naturaren legea eta erritmoak errespetatuz ekoiztutakoak direla bermatzen diegu.


Hala ere informazioa eta argazki gehiago nahia baduzu gure web orritik ahal duzu hartu www.tellerizahar.com
Web orrian dagoen emailaz gain tellerizahar@tellerizahar.com ere laster edukiko dugu operatibo, telefonica-koa kentzen dugunean

RAMON MUGUERZA IMAZ