16 Gaztandegik nazioarteko arrakasta izugarria lortu dute, 22 domina irabaziz munduko izen handia duen WORLD CHEESE AWARDS gazta txapelketan.

LA LEZE (Ilarduia) eta LARREAKO GAZTA (Larrea) gaztandegi arabarrek, biak Artzai-Gaztako bazkideak, SUPER URREZKO domina bana jaso dute.

Idiazabal Jatorri Izendapeneko gaztandegiek 2 SUPER URREZKO, 3 URREZKO, 8 ZILARREZKO eta 9 BRONTZEZKO domina lortu dituzte, Bernan (Suitza) ospatutako World Cheese Awards-eko 37.edizioan.

Joan den azaroaren 13an Suitzan ospatu zen munduko gazta ekitaldi honek, mundu osoko gaztagileak, minoristak, erosleak eta komentarista gastronomikoak bildu zituen, 40 herrialde baino gehiagoko 5.000 gazta baino gehiago epaitzeko asmoz.

Hainbat herrialde desberdinetako dastatzaileez osatutako epaimahaia izan zen aurkeztutako 5.000 gaztetatik 2025ko onenak aukeratzearen arduraduna. Horien artean, gure 22 saridunak nabarmendu dira, eta horrek are garrantzi handiagoa ematen dio sariari.

Aurten ere, Idiazabal JIBko gaztak munduko onenen artean sarituak izan dira, haien kalitate handia egiaztatuz eta nazioartean gure gazten izen ona eta prestigioa zabaltzen lagunduz.