Berezko cookieak eta hirugarrenenak erabiltzen ditugu, erabiltzaileen nabigazioa aztertzeko.

Si continúas navegando, consideramos que aceptas su uso. Puedes cambiar la configuración u obtener informazio gehiago hemen.

X

Queso IdiazabalCaracterísticas sensoriales

Idiazabal baten azala gogorra eta leuna izan behar da. Erabilitako zapien arrasto arinak ikus daitezke, baina ez agente arrotzenak. Aldeetako batean, gazta ontzeko euskarri izan zen erretiluaren arrasto arin-arinak ikus litezke. Barietate naturalen kasuan, azala beix horixka da (urarekin gogor orraztu bada), edo gris zurixka (lehorrean emeki orraztu bada). Gazta ketuen kasuan, berriz, okre marroixka edo galdara-kolorekoa da. Ketzeko prozesuan, dena den, azala gogoz garbitu behar da aurrena.

Azala zimurra, biguna edo zikina denean, akastuna dela irizten zaio, eta baita pitzadurak, arrakalak edo orban koloredunak eragiten dituzten lizunak dituenean ere. Idiazabalen azala ez da jaten.

Azal optimoa

  • Gogorra.
  • Laua, agente arrotzen arrastorik gabe.
  • Erabilitako zapien arrasto arinekin.
  • Kolore homogeneoa:
    • Ketu gabeak: hori argia edo gris zurixka.
    • Ketuak: arre iluna.
  • Arrastorik ez edo erretiluen arrasto arinak aldeetako batean.